Foto: kursiv.media
Mastercard derekteri boıynsha, eń kóp baratyn lokasııalar qatarynda:
-
Úlken Almaty kóli – 7,84%
-
Medeý – 6,24%
-
MEGA saýda-oıyn-saýyq ortalyǵy – 5,52%
-
Arbat – 4,64%
-
Sharyn shatqaly – 4,35%
-
Ortalyq mádenıet jáne demalys parki – 4,35%
-
Kólsaı kóli – 3,92% bar.
Mádenı-tarıhı jáne rýhanı nysandar ishinde Kók-Tóbe alda tur. Bul orynǵa kelýshiler úlesi 12,8 paıyzdy qurady. Odan keıin:
-
Voznesensk sobory – 12%
-
Ortalyq memlekettik mýzeı – 7,2%
-
Kók bazar – 6,4%
-
Tuńǵysh Prezıdent saıabaǵy – 4%
-
Yqylas atyndaǵy halyq mýzykalyq aspaptar mýzeıi – 4%
-
Almaty ortalyq meshiti – 3,2%.
Qalalyq týrızm basqarmasynyń habarlaýynsha, Almaty taýlary sheteldik týrıster úshin negizgi qyzyǵýshylyq nysany bolyp qala beredi. Shymbulak pen «Oı-Qaraǵaı» kýrorttaryn aspaly joldar men jaıaý baǵyttar arqyly baılanystyrý týrıstik aǵyndy tıimdi bólip, demalys úshin qolaıly ári qaýipsiz orta qalyptastyrýǵa múmkindik beredi. Bul Almatynyń halyqaralyq týrıstik tartymdylyǵyn arttyra túspek.
2025 jyldyń alǵashqy toǵyz aıynda Almatyǵa 563 myń sheteldik týrıst kelgen. Bul ótken jyldyń sáıkes kezeńimen salystyrǵanda 11 paıyzǵa kóp. Jyl sońyna deıin qalaǵa keletin sheteldik qonaqtar sany 750 myńǵa jetedi dep kútilip otyr.
Aıta keteıik, 2025 jyldyń qańtar-qyrkúıek aılarynda Qazaqstannyń kýrorttyq aımaqtaryna 3,8 mln adam barǵan. Bul 2024 jylmen salystyrǵanda 14 paıyzǵa artyq. Olardyń 16,5 paıyzy – sheteldik týrıster. Al týrızm salasyna salynǵan negizgi kapıtal kólemi 10 aıda 923 mlrd teńgege jetip, bir jyl burynǵy kórsetkishten 38,1 paıyzǵa artqan.
